ನಾವು ಎಲ್ಲರೂ ಕೇಳಿರುವ ಮಾತು: “ನಾಳೆಯಿಂದ ವ್ಯಾಯಾಮ ಆರಂಭಿಸುತ್ತೇನೆ,” ಅಥವಾ “ಇಂದು ತುಂಬಾ ಕೆಲಸ ಇದೆ.” ಇಂತಹ ಕಾರಣಗಳು ಹಾನಿಯಿಲ್ಲದಂತೆ ತೋರುತ್ತವೆ, ಆದರೆ ಅವು ನಿಧಾನವಾಗಿ ನಮ್ಮ ಗುರಿಗಳತ್ತ ಹೋಗುವ ದಾರಿಯನ್ನು ತಡೆಯುತ್ತವೆ. ಅವೇ ನಮ್ಮ ಗುರಿಯ ದಾರಿಯಲ್ಲಿರುವ ದೊಡ್ಡ ಅಡ್ಡಗೋಡೆಗಳು. ಸತ್ಯ ಸರಳವಾಗಿದೆ—ಕಾರಣಗಳು ಕ್ಯಾಲೊರಿಗಳನ್ನು ಕರಗಿಸುವುದಿಲ್ಲ, ಪ್ರಯತ್ನ ಮಾತ್ರ ಕರಗಿಸುತ್ತದೆ.
ಕಾರಣಗಳು
ನಮ್ಮನ್ನು ಹೇಗೆ ತಡೆಯುತ್ತವೆ
- ಆರಾಮದ ಬಲೆಗೆ ಸಿಲುಕಿಸುತ್ತವೆ: ನೆಪ ಅಥವಾ ಕಾರಣಗಳು ಸಾಮಾನ್ಯವಾಗಿ ಸವಾಲುಗಳನ್ನು ತಪ್ಪಿಸಿ ಆರಾಮವನ್ನು ಆಯ್ಕೆಮಾಡುವ ಮಾರ್ಗ. ಆದರೆ ಬೆಳವಣಿಗೆ ಆರಾಮ ವಲಯದ (comfort zone) ಹೊರಗೆ ಮಾತ್ರ ಸಂಭವಿಸುತ್ತದೆ.
- ಅವಕಾಶದಿಂದ
ವಂಚಿತರಾಗುತ್ತೇವೆ : ಪ್ರತಿಯೊಂದು ತಪ್ಪಿಸಿದ ವ್ಯಾಯಾಮ ಅಥವಾ
ಅನಾರೋಗ್ಯಕರ ಆಯ್ಕೆಯು ಫಲಿತಾಂಶವನ್ನು ದೂರ ತಳ್ಳುತ್ತದೆ. ದೊಡ್ಡ ಭರವಸೆಗಳಿಗಿಂತ ಸಣ್ಣ ದೈನಂದಿನ
ಕ್ರಿಯೆಗಳು ಹೆಚ್ಚು ಮುಖ್ಯ.
- ಮನೋಭಾವದ
ಮಾಯಾ ಬಲೆ: ಒಮ್ಮೆ
ನಾವು ಅಕ್ರಿಯತೆಯನ್ನು ಸಮರ್ಥಿಸಲು ಪ್ರಾರಂಭಿಸಿದರೆ, ಅದನ್ನು ಪುನರಾವರ್ತಿಸುವುದು ಸುಲಭವಾಗುತ್ತದೆ. ಹಾಗೂ ನಮ್ಮ ಗುರಿಯಿಂದ ದೂರ ಸರಿಯುತ್ತೇವೆ.
ಕ್ರಿಯೆಯ
ಶಕ್ತಿ
- ನಿರಂತರತೆ
ತೀವ್ರತೆಗಿಂತ
ಮುಖ್ಯ:
ಗಂಟೆಗಳ ಕಾಲ ಜಿಮ್ನಲ್ಲಿ ಸಮಯ ಕಳೆಯಬೇಕಾಗಿಲ್ಲ. 20 ನಿಮಿಷ ನಡೆಯುವುದು ಅಥವಾ ಮನೆಯಲ್ಲಿ ಚಿಕ್ಕ ವ್ಯಾಯಾಮ ನಿರಂತರ ಮಾಡಿದರೆ ಸಾಕು.
- ಶಕ್ತಿ
ಮತ್ತು ಏಕಾಗ್ರತೆ: ದೈಹಿಕ ಚಟುವಟಿಕೆ ಏಕಾಗ್ರತೆ, ನೆನಪು, ಮತ್ತು ಮನೋಭಾವವನ್ನು ಹೆಚ್ಚಿಸುತ್ತದೆ—ಅಧ್ಯಯನ ಮತ್ತು ಪರೀಕ್ಷೆಗಳನ್ನು ಸಮತೋಲನಗೊಳಿಸುವ ವಿದ್ಯಾರ್ಥಿಗಳಿಗೆ ಇದು ಸೂಕ್ತ.
- ಆತ್ಮವಿಶ್ವಾಸ
ನಿರ್ಮಾಣ:
ಸಣ್ಣ ಗುರಿಗಳನ್ನು ಸಾಧಿಸಿದರೂ, ಅದು ಆತ್ಮವಿಶ್ವಾಸ ಮತ್ತು ಶಿಸ್ತನ್ನು ಬಲಪಡಿಸುತ್ತದೆ.
ವಿದ್ಯಾರ್ಥಿಗಳಿಗೆ
ಉಪಯುಕ್ತ ಸಲಹೆಗಳು
- ಸಣ್ಣದರಿಂದ
ಆರಂಭಿಸಿ:
ಒಂದು ನೆಪ ಅಥವಾ ಕಾರಣವನ್ನು ಒಂದು ಕ್ರಿಯೆಯಿಂದ ಬದಲಿಸಿ. ಉದಾಹರಣೆಗೆ, “ನಾನು ದಣಿದಿದ್ದೇನೆ” ಎಂದು ಹೇಳುವ ಬದಲು ಐದು ನಿಮಿಷ ವ್ಯಾಯಾಮ ಮಾಡಿ.
- ಅಧ್ಯಯನ
ವಿರಾಮಗಳನ್ನು
ಬಳಸಿಕೊಳ್ಳಿ:
ಓದುವ ನಡುವೆ ಚಿಕ್ಕ ವ್ಯಾಯಾಮಗಳು ಮನಸ್ಸನ್ನು ತಾಜಾ ಮಾಡುತ್ತವೆ.
- ಸ್ನೇಹಿತರೊಂದಿಗೆ
ವ್ಯಾಯಾಮ:
ಸ್ನೇಹಿತರೊಂದಿಗೆ ವ್ಯಾಯಾಮ ಮಾಡುವುದರಿಂದ ಹೊಣೆಗಾರಿಕೆ ಹೆಚ್ಚುತ್ತದೆ ಮತ್ತು ಮೋಜು ಕೂಡ ಆಗುತ್ತದೆ.
- ಪ್ರಗತಿಯನ್ನು
ದಾಖಲಿಸಿ:
ನಿಮ್ಮ ಚಿಕ್ಕ ಚಿಕ್ಕ ಪ್ರಯತ್ನಗಳನ್ನು
ಬರೆದಿಡಿ. ಸುಧಾರಣೆಯನ್ನು ನೋಡುವುದರ ಮೂಲಕ
ನಿಮ್ಮನ್ನು ನೀವೇ ಮುಂದುವರಿಸಲು ಪ್ರೇರೇಪಿಸುತ್ತದೆ.
ನೆನಪಿರಲಿ
ನೆಪ
ಅಥವಾ ಕಾರಣಗಳು ರಕ್ಷಣೆಯಂತೆ ತೋರುತ್ತವೆ, ಆದರೆ ಅವು ಯಶಸ್ಸನ್ನು
ವಿಳಂಬಗೊಳಿಸುತ್ತವೆ. ಕ್ಯಾಲೊರಿಗಳು ಮಾತಿನಿಂದ ಕರಗುವುದಿಲ್ಲ—ಅವು ಚಲನೆಯಿಂದ, ಪ್ರಯತ್ನದಿಂದ,
ಮತ್ತು ದೃಢಸಂಕಲ್ಪದಿಂದ ಕರಗುತ್ತವೆ. ಪ್ರತಿಯೊಂದು ಹೆಜ್ಜೆ, ಪ್ರತಿಯೊಂದು ವ್ಯಾಯಾಮ, ಪ್ರತಿಯೊಂದು ಆಯ್ಕೆ ನಿಮ್ಮ ಪ್ರಗತಿಗೆ ಮಹತ್ವದ್ದಾಗಿದೆ.
ಮುಂದಿನ
ಬಾರಿ “ನಂತರ ಮಾಡುತ್ತೇನೆ” ಎಂದು ಹೇಳುವ ಮನಸ್ಸಾದರೆ
ನೆನಪಿಸಿಕೊಳ್ಳಿ: ನಂತರ ಕ್ಯಾಲೊರಿಗಳನ್ನು ಕರಗಿಸುವುದಿಲ್ಲ. ಕ್ರಿಯೆಯೇ ಕರಗಿಸುತ್ತದೆ.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ