ಆಲ್ಫ್ರೆಡ್ ಆಡ್ಲರ್ ಜೀವನಚರಿತ್ರೆ: ವೃತ್ತಿ ಮತ್ತು ಜೀವನ
ವೈಯಕ್ತಿಕ ಮನೋವಿಜ್ಞಾನದ ಸ್ಥಾಪಕ
ಆಲ್ಫ್ರೆಡ್ ಆಡ್ಲರ್, ಆಸ್ಟ್ರಿಯಾದ ವೈದ್ಯ ಮತ್ತು ಮನೋವೈದ್ಯರಾಗಿದ್ದರು, ಅವರು ವೈಯಕ್ತಿಕ ಮನೋವಿಜ್ಞಾನ (Individual Psychology) ಎಂದು ಕರೆಯಲ್ಪಡುವ ಚಿಂತನೆಯ ಶಾಲೆಯನ್ನು ರೂಪಿಸುವಲ್ಲಿ ಹೆಸರುವಾಸಿಯಾಗಿದ್ದಾರೆ. ಕೀಳರಿಮೆ ಭಾವನೆ
(Inferiority feeling) ಮತ್ತು ಕೀಳರಿಮೆ ಸಂಕೀರ್ಣ (Inferiority Complex) ದ ಪರಿಕಲ್ಪನೆಗಳಿಗಾಗಿ ಅವರನ್ನು ನೆನಪಿಸಿಕೊಳ್ಳಲಾಗುತ್ತದೆ, ಇದು ವ್ಯಕ್ತಿತ್ವದ ರಚನೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ ಎಂದು ಅವರು ನಂಬಿದ್ದರು. ಆಲ್ಡರ್ ಆರಂಭದಲ್ಲಿ ಸಿಗ್ಮಂಡ್ ಫ್ರಾಯ್ಡ್‌ನ ಸಹೋದ್ಯೋಗಿಯಾಗಿದ್ದರು, ಮನೋವಿಶ್ಲೇಷಣೆಯನ್ನು ಸ್ಥಾಪಿಸಲು ಸಹಾಯ ಮಾಡಿದರು ಮತ್ತು ವಿಯೆನ್ನಾ ಸೈಕೋಅನಾಲಿಟಿಕ್ ಸೊಸೈಟಿಯ ಸ್ಥಾಪಕ ಸದಸ್ಯರಾಗಿದ್ದರು.
ಆಡ್ಲರ್‌ನ ಸಿದ್ಧಾಂತವು ವ್ಯಕ್ತಿಯನ್ನು ಒಟ್ಟಾರೆಯಾಗಿ ನೋಡುವುದರ ಮೇಲೆ ಕೇಂದ್ರೀಕರಿಸಿದೆ, ಅದಕ್ಕಾಗಿಯೇ ಅವನು ತನ್ನ ವಿಧಾನವನ್ನು ವೈಯಕ್ತಿಕ ಮನೋವಿಜ್ಞಾನ (Individual Psychology) ಎಂದು ಉಲ್ಲೇಖಿಸಿದನು. ಆಡ್ಲರ್ ಅಂತಿಮವಾಗಿ ಫ್ರಾಯ್ಡ್‌ನ ಮನೋವಿಶ್ಲೇಷಣಾ ವಲಯದಿಂದ ಬೇರ್ಪಟ್ಟನು, ಆದರೆ ಅವನು ಮಾನಸಿಕ ಚಿಕಿತ್ಸೆಯ ಬೆಳವಣಿಗೆಯ ಮೇಲೆ ಭಾರಿ ಪ್ರಭಾವ ಬೀರಿದನು. ಅಬ್ರಹಾಂ ಮಾಸ್ಲೊ ಮತ್ತು ಆಲ್ಬರ್ಟ್ ಎಲ್ಲಿಸ್ .1 ಸೇರಿದಂತೆ ಅನೇಕ ಶ್ರೇಷ್ಠ ಚಿಂತಕರ ಮೇಲೆ ಅವರು ಪ್ರಮುಖ ಪ್ರಭಾವ ಬೀರಿದರು.
ಹೆಸರುವಾಸಿ:
1.
ವೈಯಕ್ತಿಕ ಮನೋವಿಜ್ಞಾನ
2.
ಕೀಳರಿಮೆ ಸಂಕೀರ್ಣದ ಪರಿಕಲ್ಪನೆ
3.
ವಿಯೆನ್ನಾ ಸೈಕೋಅನಾಲಿಟಿಕ್ ಸೊಸೈಟಿಯ ಅಧ್ಯಕ್ಷ, 1910
ಜನನ ಮತ್ತು ಮರಣ:
ಆಲ್ಫ್ರೆಡ್ ಆಡ್ಲರ್ ಜನಿಸಿದ್ದು ಫೆಬ್ರವರಿ 7, 1870. ಅವರು ಮೇ 28, 1937 ರಂದು ನಿಧನರಾದರು.
ಆರಂಭಿಕ ಜೀವನ:
ಆಲ್ಫ್ರೆಡ್ ಆಡ್ಲರ್ ಆಸ್ಟ್ರಿಯಾದ ವಿಯೆನ್ನಾದಲ್ಲಿ ಜನಿಸಿದರು. ಅವರು ಚಿಕ್ಕ ಮಗುವಾಗಿದ್ದಾಗ ರೋಗದಿಂದ ಬಳಲಿದರು, ಅದರಿಂದ 2 ವರ್ಷದ ನಂತರ ನಡೆಯುವುದನ್ನು
ಕಲಿತರು, ಮತ್ತು ಅವರಿಗೆ ನಾಲ್ಕನೇ ವಯಸ್ಸಿನಲ್ಲಿ ನ್ಯುಮೋನಿಯಾ ಬಂತು. ಬಾಲ್ಯದಲ್ಲಿ ಅವರ ಆರೋಗ್ಯ ಸಮಸ್ಯೆಗಳಿಂದಾಗಿ, ಅವರು ವೈದ್ಯರಾಗಬೇಕೆಂದು ಆಡ್ಲರ್ ನಿರ್ಧರಿಸಿದರು ಮತ್ತು 1895 ರಲ್ಲಿ ವಿಯೆನ್ನಾ ವಿಶ್ವವಿದ್ಯಾಲಯದಿಂದ ವೈದ್ಯಕೀಯ ಪದವಿಯೊಂದಿಗೆ ಪದವಿ ಪಡೆದ ನಂತರ, ನೇತ್ರಶಾಸ್ತ್ರಜ್ಞರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು ಮತ್ತು ನಂತರ ಸಾಮಾನ್ಯ ಅಭ್ಯಾಸಕ್ಕೆ ತೊಡಗಿಕೊಂಡರು.
ವೃತ್ತಿ ಮತ್ತು ನಂತರದ ಜೀವನ:
ಆಲ್ಡರ್ ಶೀಘ್ರದಲ್ಲೇ ತನ್ನ ಆಸಕ್ತಿಗಳನ್ನು ಮನೋವೈದ್ಯಶಾಸ್ತ್ರ ಕ್ಷೇತ್ರದ ಕಡೆಗೆ ಒಲವು ಮೂಡಿಸಿಕೊಂಡರು. 1902 ರಲ್ಲಿ, ಸಿಗ್ಮಂಡ್ ಫ್ರಾಯ್ಡ್ ಅವರನ್ನು ಮನೋವಿಶ್ಲೇಷಣಾ ಚರ್ಚಾ ಗುಂಪಿಗೆ ಸೇರಲು ಆಹ್ವಾನಿಸಿದರು. ಈ ಗುಂಪು ಪ್ರತಿ ಬುಧವಾರ ಫ್ರಾಯ್ಡ್‌ನ ಮನೆಯಲ್ಲಿ
ಭೇಟಿಯಾಗುತ್ತಿತ್ತು. ಮತ್ತು ಅಂತಿಮವಾಗಿ ವಿಯೆನ್ನಾ ಸೈಕೋಅನಾಲಿಟಿಕ್ ಸೊಸೈಟಿಯಾಗಿ ಬೆಳೆಯಿತು. ಸ್ವಲ್ಪ ಸಮಯದವರೆಗೆ ಗುಂಪಿನ ಅಧ್ಯಕ್ಷರಾಗಿ ಸೇವೆ ಸಲ್ಲಿಸಿದ ನಂತರ, ಫ್ರಾಯ್ಡ್‌ನ ಕೆಲವು ಸಿದ್ಧಾಂತಗಳೊಂದಿಗಿನ ಭಿನ್ನಾಭಿಪ್ರಾಯದಿಂದಾಗಿ ಆಡ್ಲರ್ ಭಾಗಶಃ ಹೊರನಡೆದರು.
ಮನೋವಿಶ್ಲೇಷಣೆಯ ಬೆಳವಣಿಗೆಯಲ್ಲಿ ಆಡ್ಲರ್ ಪ್ರಮುಖ ಪಾತ್ರ ವಹಿಸಿದ್ದರೂ, ತನ್ನದೇ ಆದ ಆಲೋಚನಾ ಶಾಲೆಯನ್ನು ರೂಪಿಸಲು ಬೇರ್ಪಟ್ಟ ಮೊದಲ ಪ್ರಮುಖ ವ್ಯಕ್ತಿಗಳಲ್ಲಿ ಅವರು ಕೂಡ ಒಬ್ಬರು. ಅವರು ಫ್ರಾಯ್ಡ್‌ರ ಸಹೋದ್ಯೋಗಿಯಾಗಿದ್ದಾಗ, ಅವರು ಯಾವುದೇ ರೀತಿಯ ಪ್ರಸಿದ್ಧ ಆಸ್ಟ್ರಿಯನ್ ಮನೋವಿಶ್ಲೇಷಕರ ಶಿಷ್ಯರಾಗಿರಲಿಲ್ಲ ಎಂದು ಅವರು ಗಮನಸೆಳೆದರು. 1912 ರಲ್ಲಿ, ಆಲ್ಫ್ರೆಡ್ ಆಡ್ಲರ್ ಸೊಸೈಟಿ ಆಫ್ ಇಂಡಿವಿಜುವಲ್ ಸೈಕಾಲಜಿಯನ್ನು ಸ್ಥಾಪಿಸಿದರು.
ಆಡ್ಲರ್‌ನ ಸಿದ್ಧಾಂತವು ಪ್ರತಿಯೊಬ್ಬ ವ್ಯಕ್ತಿಯಲ್ಲೂ ಬಾಲ್ಯದಿಂದಲೂ ಕೀಳರಿಮೆ ಇರುತ್ತದೆ ಎಂದು
ಸೂಚಿಸುತ್ತದೆ. ಬಾಲ್ಯದಿಂದಲೂ ಜನರು "ಶ್ರೇಷ್ಠತೆಗಾಗಿ ಶ್ರಮಿಸುವ" ಮೂಲಕ ಈ ಕೀಳರಿಮೆಯನ್ನು ನಿವಾರಿಸಿಕೊಳ್ಳುವತ್ತ ಕೆಲಸ ಮಾಡುತ್ತಾರೆ ಮತ್ತು ಈ ನಡವಳಿಕೆಯು ಮಾನವ ನಡವಳಿಕೆಗಳು, ಭಾವನೆಗಳು ಮತ್ತು ಆಲೋಚನೆಗಳ ಹಿಂದಿನ ಪ್ರೇರಕ ಶಕ್ತಿ ಎಂದು ಆಡ್ಲರ್ ನಂಬಿದ್ದರು. ಕೆಲವು ವ್ಯಕ್ತಿಗಳು ಸಹಯೋಗ ಮತ್ತು ಸಮಾಜದ ಕೊಡುಗೆಗಳ ಮೇಲೆ ಕೇಂದ್ರೀಕರಿಸುತ್ತಾರೆ ಮತ್ತು ಬೇರೆಯವರು ಇತರರ ಮೇಲೆ ಅಧಿಕಾರ / ಪ್ರಭಾವ ವನ್ನು ಬೀರಲು ಪ್ರಯತ್ನಿಸುತ್ತಾರೆ ಎಂದು ಅವರು ವಿವರಿಸಿದರು.
ಆಡ್ಲರ್ ಕ್ರಿಶ್ಚಿಯನ್ ಧರ್ಮಕ್ಕೆ ಮತಾಂತರಗೊಂಡಾಗ, [3] 1930
ರ ದಶಕದಲ್ಲಿ ನಾಜಿಗಳ ಒತ್ತಡದಿಂದಾಗಿ ತಮ್ಮ ಚಿಕಿತ್ಸಾಲಯಗಳನ್ನು ಮುಚ್ಚಬೇಕಾಯಿತು. ಇದರ ಪರಿಣಾಮವಾಗಿ, ಲಾಂಗ್ ಐಲ್ಯಾಂಡ್ ಕಾಲೇಜ್ ಆಫ್ ಮೆಡಿಸಿನ್‌ನಲ್ಲಿ ಪ್ರಾಧ್ಯಾಪಕ ಸ್ಥಾನವನ್ನು ಪಡೆಯಲು ಆಡ್ಲರ್ ಯುನೈಟೆಡ್ ಸ್ಟೇಟ್ಸ್‌ (USA)ಗೆ ವಲಸೆ ಬಂದರು. 1937 ರಲ್ಲಿ, ಆಡ್ಲರ್ ಉಪನ್ಯಾಸ ಪ್ರವಾಸಕ್ಕೆ ಹೋದರು ಮತ್ತು ಸ್ಕಾಟ್ಲೆಂಡ್‌ನ ಅಬರ್ಡೀನ್‌ನಲ್ಲಿ ಮಾರಣಾಂತಿಕ ಹೃದಯಾಘಾತದಿಂದ ಬಳಲಿ ಸಾವಿಗೀಡಾದರು.
ಮನೋವಿಜ್ಞಾನಕ್ಕೆ ಕೊಡುಗೆಗಳು:
ಚಿಕಿತ್ಸೆ ಮತ್ತು ಮಕ್ಕಳ ಅಭಿವೃದ್ಧಿ ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ಆಲ್ಫ್ರೆಡ್ ಆಡ್ಲರ್ ಸಿದ್ಧಾಂತಗಳು ಅತ್ಯಗತ್ಯ ಪಾತ್ರ ವಹಿಸಿವೆ. ಆಲ್ಡರ್ ಅವರ ಆಲೋಚನೆಗಳು ಇತರ ಪ್ರಮುಖ ಮನಶ್ಶಾಸ್ತ್ರಜ್ಞರು ಮತ್ತು ಮನೋವಿಶ್ಲೇಷಕರ ಮೇಲೆ ಪ್ರಭಾವ ಬೀರಿವೆ:
1.
ಅಬ್ರಹಾಂ ಮಾಸ್ಲೊ
2.
ಕಾರ್ಲ್ ರೋಜರ್ಸ್
3.
ಕರೆನ್ ಹಾರ್ನಿ
4.
ರೊಲ್ಲೊ ಮೇ
5.
ಎರಿಚ್ ಫ್ರೊಮ್
6.
ಆಲ್ಬರ್ಟ್ ಎಲ್ಲಿಸ್
ಇಂದು, ಅವರ ಆಲೋಚನೆಗಳು ಮತ್ತು ಪರಿಕಲ್ಪನೆಗಳನ್ನು ಹೆಚ್ಚಾಗಿ ಅಡ್ಲೆರಿಯನ್ ಸೈಕಾಲಜಿ ಎಂದು ಕರೆಯಲಾಗುತ್ತದೆ.
ಆಯ್ದ ಪ್ರಕಟಣೆಗಳು:
Adler, A. (1925). The Practice and
Theory of Individual Psychology. London: Routledge.
Adler, A. (1956). The Individual
Psychology of Alfred Adler. H. L. Ansbacher and R. R. Ansbacher (Eds.). New
York: Harper Torchbooks.
ಲೇಖನ ಮೂಲಗಳು:
1.
Ellis DJ. Rational Emotive Behavior Therapy and
Individual Psychology. The Journal of Individual Psychology.
2017;73(4):272-282. doi:10.1353/jip.2017.0023
Additional Reading; Rattner, J. (1983). Alfred Adler. New York: F. Ungar.
ಕನ್ನಡಕ್ಕೆ: ನಾಗೇಂದ್ರ
ಕುಮಾರ್ ಕೆ
ಎಸ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ