ಶುಭಾಂಶು ಶುಕ್ಲಾ ರಂತೆ ಹಾರಲು ನೆಲೆಯೊಂದನ್ನು ನಿರ್ಮಿಸಿಕೊಳ್ಳಿ

 UPSC ಸ್ಪರ್ಧಾರ್ಥಿಗಳಿಗೆ ಪ್ರೇರಣಾದಾಯಕ ಸಂದೇಶ

ಜುಲೈ 2025ರಲ್ಲಿ ಭಾರತ ಇತಿಹಾಸ ನಿರ್ಮಿಸಿತು. ಭಾರತೀಯ ವಾಯುಪಡೆಯ ಗ್ರೂಪ್ ಕ್ಯಾಪ್ಟನ್ ಶುಭಾಂಶು ಶುಕ್ಲಾ ಅಂತರರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರ (ISS)ನಲ್ಲಿ ಕೆಲಸ ಮಾಡಿದ ಮೊದಲ ಭಾರತೀಯನಾದರು. ಲಕ್ನೋದಲ್ಲಿ ಹುಟ್ಟಿದ ಶುಕ್ಲಾ, ಶಾಂತ ವಿದ್ಯಾರ್ಥಿಯಿಂದ ಬಾಹ್ಯಾಕಾಶ ಯಾತ್ರಿಕನಾಗುವ ತನಕದ ಅವರ ಪಯಣ UPSC ಮತ್ತು ಇತರ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಿ ನಡೆಸುತ್ತಿರುವ ನಿಮ್ಮಂತಹವರಿಗಾಗಿ ಪ್ರೇರಣಾದಾಯಕ  ಪಾಠಗಳನ್ನು ನೀಡುತ್ತದೆ.

ಮಧ್ಯಮ ವರ್ಗದ ಕುಟುಂಬದಲ್ಲಿ ಹುಟ್ಟಿದ ಶುಕ್ಲಾ, 1999ರ ಕಾರ್ಗಿಲ್ ಯುದ್ಧ ಮತ್ತು ವಾಯುಪಡೆ ಪ್ರದರ್ಶನದಿಂದ ಪ್ರೇರಿತನಾಗಿ, 17ನೇ ವಯಸ್ಸಿನಲ್ಲಿ ‘NDA’ ಗೆ ಗುಪ್ತವಾಗಿ ಅರ್ಜಿ ಸಲ್ಲಿಸಿದರು. ಈ ಧೈರ್ಯವಂತ ನಿರ್ಧಾರ ಅವರ ಜೀವನವನ್ನು ಬದಲಾಯಿಸಿತು. ಇದು ನಮಗೆ ಹೇಳುವುದು: ಹಿನ್ನೆಲೆ ಮುಖ್ಯವಲ್ಲ, ದೃಷ್ಟಿ ಮತ್ತು ಧೈರ್ಯವೇ ಭವಿಷ್ಯವನ್ನು ರೂಪಿಸುತ್ತದೆ.

NDA ಗೆ ಆಯ್ಕೆಯಾದ ನಂತರ, ಅವರು ಶಿಸ್ತಿನ ಜೀವನವನ್ನು ಅಳವಡಿಸಿಕೊಂಡರು. 2006 ರಲ್ಲಿ ಯೋಧನಾಗಿ ನೇಮಕಗೊಂಡು, Su-30MKI, MiG-29, Jaguar ಮುಂತಾದ ಯುದ್ಧ ವಿಮಾನಗಳನ್ನು ಹಾರಿಸಿದರು. ನಂತರ ಅವರು IISc ಬೆಂಗಳೂರಿನಲ್ಲಿ Aerospace Engineering ನಲ್ಲಿ ಸ್ನಾತಕೋತ್ತರ ಪದವಿ ಪಡೆದರು. ಇದು ಸ್ಪಷ್ಟವಾಗಿ ತೋರಿಸುತ್ತದೆ: ಶ್ರದ್ಧೆ ಮತ್ತು ವಿದ್ಯಾಭ್ಯಾಸವೇ ಯಶಸ್ಸಿಗೆ ದಾರಿ ಎಂದು.

ಟೆಸ್ಟ್ ಪೈಲಟ್ ಆಗಿ, ಅವರು ತಾಂತ್ರಿಕ   ನೈಪುಣ್ಯತೆಯನ್ನು ಗಳಿಸಿದರು. 2019ರಲ್ಲಿ ರಷ್ಯಾದಲ್ಲಿ ಬಾಹ್ಯಾಕಾಶ ತರಬೇತಿಗೆ ಆಯ್ಕೆಯಾದರು. ನಂತರ NASA ಮತ್ತು Axiom Space ಜೊತೆ Ax-4 ಮಿಷನ್ಗಾಗಿ ತರಬೇತಿ ಪಡೆದರು. ಜೂನ್ 25, 2025ರಂದು SpaceX Dragon ಮೂಲಕ ISS ಗೆ ಹಾರಿದರು. ಅಲ್ಲಿ 14 ದಿನಗಳ ಕಾಲ ISRO ಗಾಗಿ ಮೈಕ್ರೋಗ್ರಾವಿಟಿ ಪ್ರಯೋಗಗಳನ್ನು ನಡೆಸಿದರು—ಇವು 2027ರ ಗಗನಯಾನ ಮಿಷನ್‌ಗೆ ಸಹಾಯ ಮಾಡಲಿವೆ.

ISSನಿಂದ ಶುಕ್ಲಾ ಹಂಚಿದ ಸಂದೇಶ:

“ಬಾಹ್ಯಾಕಾಶದಲ್ಲಿ ಸಣ್ಣ ಅಲೆಯೂ ದೇಹವನ್ನು ಚಲಿಸುತ್ತೆ. ನಮ್ಮ ಮನಸ್ಸು ಕೂಡ ಹಾಗೆ—ಈ ವೇಗದ ಜಗತ್ತಿನಲ್ಲಿ ಸ್ಥಿರತೆ ಅಗತ್ಯ.”

ಇದು UPSC ಸ್ಪರ್ಧಾರ್ಥಿಗಳಿಗೆ ಮಹತ್ವದ ಪಾಠ: ಸ್ಥಿರತೆ, ಸ್ಪಷ್ಟತೆ, ಮತ್ತು ಏಕಾಗ್ರತೆ ಬೆಳೆಸಿಕೊಳ್ಳಿ.

ಶುಕ್ಲಾ ಅವರ ಪಯಣಕ್ಕೆ ಮೆಂಟರ್‌ಗಳು, ಕುಟುಂಬ, ISRO, IAF, IISc ಬೆಂಬಲ ನೀಡಿದವು. ಅಕ್ಕ, ಪತ್ನಿ                        ಡಾ. ಕಾಮ್ನಾ ಶುಕ್ಲಾ ಮತ್ತು ಮಗನೂ ಅವರ ಶಕ್ತಿಯ ಮೂಲ. ಅವರ ಮಿಷನ್ ವೈಯಕ್ತಿಕವಲ್ಲ—ರಾಷ್ಟ್ರೀಯ. ಅವರು 1.4 ಬಿಲಿಯನ್ ಭಾರತೀಯರ ಕನಸುಗಳನ್ನು ಕೊಂಡೊಯ್ದರು.

UPS‌C ಸ್ಪರ್ಧಾರ್ಥಿಯಾಗಿ, ನಿಮ್ಮ ಪಯಣವೂ ಪ್ರಾರಂಭವಾಗಿದೆ:

• ಹಿನ್ನೆಲೆ ಮುಖ್ಯವಲ್ಲ, ದೃಷ್ಟಿಯೇ ಮುಖ್ಯ.
• ಶ್ರದ್ಧೆ, ವಿದ್ಯಾಭ್ಯಾಸ, ಧೈರ್ಯವೇ ದಾರಿ.
• ನಿಮ್ಮ ಯಶಸ್ಸು ವೈಯಕ್ತಿಕವಲ್ಲ—ಇದು ಸಮಾಜದ ಕೊಡುಗೆ.

ನೀವು ಈಗ ನಿಮ್ಮ launchpad ನಲ್ಲಿ ಇದ್ದೀರಿ. Countdown ಆರಂಭವಾಗಿದೆ. ಪ್ರತಿದಿನದ ಅಧ್ಯಯನ, ಪ್ರತಿಯೊಂದು mastered concept—ಇವೆಲ್ಲವೂ ನಿಮ್ಮ ಯಶಸ್ಸಿನ ಹಾರಾಟದ ಹೆಜ್ಜೆಗಳು.
ಎತ್ತರದ ಕನಸು ಕಾಣಿರಿ. ನೆಲೆಯ ಮೇಲೆ ನಿಲ್ಲಿರಿ. ಆಕಾಶವೇ ಗುರಿಯಲ್ಲ—ಅದು ಪ್ರಾರಂಭ ಮಾತ್ರ.

 ಆಂಗ್ಲ ಮೂಲ:   CSR Editorial