ಪ್ರೀತಿಯ ಮಿತ್ರನೇ!,
"ತಮಗೆ ತಾವೇ ಸಹಾಯ ಮಾಡಿಕೊಳ್ಳದ ಜನರಿಗೆ ಸಹಾಯ ಮಾಡಲು ಪ್ರಯತ್ನಿಸುವುದರಿಂದ ಯಾವುದೇ ಪ್ರಯೋಜನವಿಲ್ಲ. ಮಾನಸಿಕವಾಗಿ ಉನ್ನತಿಗೆ ಏರಲು ಸಿದ್ಧರಿಲ್ಲದವರಿಗೆ ನೀವು ಏಣಿಯ ಮೇಲೆ ತಳ್ಳಲು ಸಾಧ್ಯವಿಲ್ಲ ”- ಇದು ಆಂಡ್ರ್ಯೂ ಕಾರ್ನೆಗೀ ಅವರ ಪ್ರಸಿದ್ಧ ಉಲ್ಲೇಖ. ಈ ಮಾತುಗಳ ಮೂಲಕ ಅವನು ಸ್ಪಷ್ಟಪಡಿಸುತ್ತಿದ್ದಾನೆ, ಯಾರಿಗೆ ಜೀವನದಲ್ಲಿ ಏನನ್ನಾದರೂ ಸಾಧಿಸಬೇಕೆನ್ನುವ ತುಡಿತವಿಲ್ಲದವರು ಏನನ್ನೂ ಮಾಡಲಾರರು, ಏನನ್ನಾದರೂ ಸಾಧಿಸುವೆನೆನ್ನುವ ಹಂಬಲ,ಛಲ, ಹಠ ಇರುವವರು ಮಾತ್ರ ಸಾಧಿಸಬಲ್ಲವರಾಗಿರುತ್ತಾರೆ. ಪ್ರೇರಣೆ ಒಳಗಿನಿಂದಲೇ ಬರಬೇಕು. ಅದೇ ಸಮಯದಲ್ಲಿ, ನಾವು ಆತ್ಮಾವಲೋಕನ ಮಾಡಿಕೊಂಡು ನಮ್ಮ ಉದ್ದೇಶದ ಪ್ರಯತ್ನ ಹಾಗು ಬಯಕೆಯ ತೀವ್ರತೆಯ ಬಗ್ಗೆ ಸ್ಪಷ್ಟವಾಗಿ ಆಲೋಚನೆಯನ್ನು ಮಾಡಬೇಕಿದೆ. ನಾವು ನಮ್ಮೊಳಗಿನ ಮನದ ಆಳಕ್ಕಿಳಿದು ಪರಿಶೀಲಿಸಿಕೊಳ್ಳಬೇಕು. ಆತ್ಮಾವಲೋಕನದಿಂದ ನಮ್ಮ ಶಕ್ತಿಯನ್ನು ಜಾಗೃತಗೊಳಿಸಿ, ಜೀವನದಲ್ಲಿ ನಡೆಯುತ್ತಿರುವ ಹಾದಿಯಲ್ಲಿ ಬದಲಾವಣೆಗಳನ್ನು ಮಾಡಿಕೊಂಡು ಗುರಿಯನ್ನು ಹಾಗೂ ಫಲಪ್ರದವಾಗುವಂತೆ ಮಾಡಿಕೊಳ್ಳಬಹುದಾಗಿದೆ. ತಜ್ಞರ ಪ್ರಕಾರ ನಾವು ನಮ್ಮ ದಿನನಿತ್ಯದ ಸಂಗತಿಗಳ ಬಗ್ಗೆ ಹೆಚ್ಚು ಗಮನ ಹರಿಸಬೇಕು ಹಾಗೂ ಹೊತ್ತಿಗೆಯಲ್ಲಿ ಗುರುತು ಹಾಕಿಕೊಳ್ಳುವುದು ಒಳ್ಳೆಯ ಹವ್ಯಾಸ.
ನೀವು ತಜ್ಞರ ಅಭಿಪ್ರಾಯವನ್ನು ಅನುಸರಿಸಲು ಪ್ರಾರಂಭಿಸಿದರೆ, ನಿಮ್ಮ ಯೋಗಕ್ಷೇಮಕ್ಕೆ ನಿರ್ಣಾಯಕವಾದ ನಿಮ್ಮ ಬಗ್ಗೆ ಕೆಲವು ಸತ್ಯಗಳನ್ನು ನೀವು ಸುಲಭವಾಗಿ ತಿಳಿದುಕೊಳ್ಳಬಹುದು. ಮೊದಲಿಗೆ, ನಿಮಗೆ ಸಂತೋಷ ಕೂಡುವ ಸಂಗತಿಗಳು ನಿಮಗೆ ತಿಳಿಯುತ್ತದೆ ಹಾಗೆಯೇ , ನಿಮಗೆ ಮಾನಸಿಕವಾಗಿ ಕಿರಿಕಿರಿ ಮಾಡಿ ನಿಮ್ಮ ಶಕ್ತಿಯನ್ನು ಹಾಳುಮಾಡುವ ವಿಷಯಗಳ ಬಗೆಗೂ ತಿಳಿಯುತ್ತದೆ. ಅದರಿಂದ ನಿಮ್ಮೊಳಗಿರುವ ಭಾವನೆಗಳನ್ನು ತಿಳಿದುಕೊಳ್ಳುವುದು ಮತ್ತು ನಮ್ಮ ಚಿಂತೆಗೆ ಕಾರಣವಾಗುವ ಅಂಶಗಳೂ ಹೊರಬರುವುವು. ನಿಮ್ಮ ಚಿಂತೆಯ ಬಗ್ಗೆ ನಿಮ್ಮ ಅರಿವು ನಿಮ್ಮನ್ನು ಭಯಪಡದಂತೆ ಮಾಡುತ್ತದೆ. ನಿಮ್ಮ ಬಗ್ಗೆ ಮತ್ತು ಇತರರ ಬಗ್ಗೆ ನೀವು ಮಾಡುವ ಊಹೆಗಳನ್ನು ನೀವು ಕಂಡುಕೊಂಡಾಗ ಮಾತ್ರ ಇದು ಸಾಧ್ಯ. ಮಹಾತ್ಮ ಗಾಂಧಿಯವರು ಸೂಕ್ತವಾಗಿ ಹೇಳಿದ್ದಾರೆ, "ಮನಸ್ಸಿನ ಮೇಲೆ ನಿಯಂತ್ರಣ ಹೊಂದದಿರುವುದು ಸುರಕ್ಷತೆಯಿಲ್ಲದ ಹಡಗಿನಲ್ಲಿ ನೌಕಾಯಾನ ಮಾಡಿದಂತೆ, ಅದು ಸಮುದ್ರದ ಕೋಡುಗಲ್ಲ ಸಂಪರ್ಕಕ್ಕೆ ಬಂದಾಗ ತುಂಡುಗಳಾಗಿ ಒಡೆಯುತ್ತದೆ". ಬೇರೆ ರೀತಿಯಲ್ಲಿ ಹೇಳುವುದಾದರೆ, ಆತ್ಮಾವಲೋಕನವು ನಮಗೆ ಸಾಮಾನ್ಯವಾಗಿ ತಿಳಿದಿಲ್ಲದ ಸತ್ಯಗಳನ್ನು ತೋರಿಸಿಕೊಡುತ್ತದೆ. ನಮ್ಮ ದೌರ್ಬಲ್ಯ ಮತ್ತು ಸಾಮರ್ಥ್ಯಗಳನ್ನು ತಿಳಿಯದೆ ನಮ್ಮ ಪ್ರಯಾಣವನ್ನು ಸರಿಯಾದ ದಿಕ್ಕಿನಲ್ಲಿ ಸಾಗಿಸುವುದು ಅಸಾಧ್ಯ.
ನಿಮ್ಮ ಜೀವನದ ಆಧಾರವಾಗಿರುವ ನಡವಳಿಕೆಯ ಮಾದರಿಗಳ ಬಗ್ಗೆ ಅರಿವು ಮೂಡಿಸುವುದರ ಮೂಲಕವೇ ನಿಮ್ಮ ಗುರಿ ಮತ್ತು ಮಹತ್ವಾಕಾಂಕ್ಷೆಗಳ ಸಾಧನೆಗೆ ಕಾರಣವಾಗುವ ಸರಿಯಾದ ಕ್ರಮವನ್ನು ತೆಗೆದುಕೊಳ್ಳಲು ನಿಮಗೆ ಸಾಧ್ಯವಾಗುತ್ತದೆ. ನಿಮ್ಮ ಗುರಿ ಮತ್ತು ಮಹತ್ವಾಕಾಂಕ್ಷೆಗಳನ್ನು ನೀವು ಸಾಧಿಸಿದರೆ, ನೀವು ನಿಮ್ಮನ್ನು ತೃಪ್ತಿಪಡಿಸಿಕೊಳ್ಳಲು ಮತ್ತು ಸಂತೋಷವಾಗಿರಲು ಸಾಧ್ಯವಾಗುತ್ತದೆ. ಅರಿವು ಎಂದರೆ ಏನು ಎಂದು ಯೋಚಿಸಲು ನೀವು ಸ್ವಲ್ಪ ಸಮಯ ತೆಗೆದುಕೊಂಡಾಗ ತಿಳಿಯುವುದು , ಅರಿವೆಂದರೆ ಸೂಕ್ಷ್ಮವಾಗಿ ಎಲ್ಲವನ್ನೂ ಗಮನಿಸುವುದೇ ಆಗಿದೆ. ಸಂಕ್ಷಿಪ್ತವಾಗಿ ಹೇಳುವುದಾದರೆ, ನೀವು ಬಳಸಿದ ಪದಗಳ ಪ್ರಭಾವ, ನಿಮ್ಮ ಆಲೋಚನೆ, ನಿಮ್ಮ ಮನಸ್ಸಿನಲ್ಲಿ ನೀವು ರಚಿಸುವ ಚಿತ್ರಗಳು, ಇತರರ ಬಗ್ಗೆ ನೀವು ಮಾಡುವ ತೀರ್ಪುಗಳು ಮತ್ತು ನಿಮ್ಮ ನಡವಳಿಕೆಯ ಬಗ್ಗೆ ನಿಮಗೆ ತಿಳಿದಿರಬೇಕು. ನಿಮ್ಮ ಜೀವನವನ್ನು ನಡೆಸುವ ಹಾದಿಯಲ್ಲಿ ಇವೆಲ್ಲವುಗಳ ಪ್ರಭಾವವನ್ನು ಅರಿವೂ ಸಹ ಒಳಗೊಂಡಿದೆ. ಈ ಅರಿವು ಬಹಳ ನಿರ್ಣಾಯಕವಾಗಿದೆ, ಏಕೆಂದರೆ ನಿಮ್ಮ ಅರಿವನ್ನು ಬೆಳೆಸುವ ಮೂಲಕವೇ ನಿಮ್ಮ ಆಲೋಚನೆಗಳು ನಿಮ್ಮ ಗುರಿಗಳತ್ತ ನಿಮ್ಮ ಪ್ರಗತಿಗೆ ಅಡ್ಡಿಯಾಗದಂತೆ ತಡೆಯಲು ನಿಮಗೆ ಸಾಧ್ಯವಾಗುತ್ತದೆ. ಇಲ್ಲಿ, ಶ್ರೇಷ್ಠ ಇಂಗ್ಲಿಷ್ ಕವಿ ವಿಲಿಯಂ ಷೇಕ್ಸ್‌ಪಿಯರ್‌ನನ್ನು ಉಲ್ಲೇಖಿಸುವುದು ಸೂಕ್ತವಾಗಿದೆ- ”ನಾವು ಏನೆಂದು ನಮಗೆ ತಿಳಿದಿದೆ, ಆದರೆ ನಾವು ಏನೆಂದು ತಿಳಿದಿಲ್ಲ”. ಬೇರೆ ರೀತಿಯಲ್ಲಿ ಹೇಳುವುದಾದರೆ, ನಿಮ್ಮ ಪೂರ್ಣ ಸಾಮರ್ಥ್ಯವನ್ನು ಅರಿತುಕೊಳ್ಳಲು ನಿಮ್ಮ ಸ್ವಂತ ಸಾಮರ್ಥ್ಯದ ಬಗ್ಗೆ ನೀವು ತಿಳಿದಿರಬೇಕು.
ನಿಮ್ಮ ಗುರಿ ಮತ್ತು ಮಹತ್ವಾಕಾಂಕ್ಷೆಗಳನ್ನು ಸಾಧಿಸುವಲ್ಲಿ ನಿಮಗೆ ಅಡ್ಡಿಯಾಗುವ ಅಂಶಗಳ ಬಗ್ಗೆ ನೀವು ತಿಳಿದಿರಬೇಕು ಎಂಬ ಅಂಶವನ್ನು ನೀವು ಎಂದಿಗೂ ಮರೆಯಬಾರದು. ಈ ಅರಿವು ನಿಮ್ಮ ಎಲ್ಲಾ ಶಕ್ತಿಯನ್ನು ಸರಿಯಾದ ದಿಕ್ಕಿನಲ್ಲಿ ಕೇಂದ್ರೀಕರಿಸಲು ಅಗತ್ಯವಾದ ಸ್ವಯಂ ನಿಯಂತ್ರಣವನ್ನು ಹೊಂದಲು ನಿಮ್ಮನ್ನು ಪ್ರೋತ್ಸಾಹಿಸುತ್ತದೆ. ಪ್ರಸಿದ್ಧ ಕವಿ, ರಾಬರ್ಟ್ ಬರ್ನ್ಸ್ ಬರೆದಿದ್ದಾರೆ- “ವಿವೇಕಯುತ, ಎಚ್ಚರಿಕೆಯ ಸ್ವನಿಯಂತ್ರಣವು ಬುದ್ಧಿವಂತಿಕೆಯ ಮೂಲ”. ನಿಮ್ಮ ಪ್ರಯತ್ನಗಳಿಗೆ ಸಂಬಂಧಿಸಿದ ಸಂಗತಿಗಳ ಬಗ್ಗೆ ನಿಮಗೆ ತಿಳಿದಿರುವಾಗ ಮಾತ್ರ ಸ್ವಯಂ ನಿಯಂತ್ರಣವನ್ನು ನೀವು ಮಾಡಬಹುದು.
ಪ್ರತಿಯೊಂದು ಮಹತ್ವಾಕಾಂಕ್ಷೆಯ ನಿಮ್ಮ ಸಾಧನೆಗಾಗಿ ಎದುರು ನೋಡುತ್ತಿದ್ದೇನೆ,
ನಿಮ್ಮ ವಿಶ್ವಾಸಿ,
(ಸುರೇಂದ್ರ ಕುಮಾರ್ ಸಚ್‌ದೇವ)
ಕನ್ನಡಕ್ಕೆ :
(ನಾಗೇಂದ್ರ ಕುಮಾರ್ ಕೆ.ಎಸ್)
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ