ಹೌದು, ನೀವೂ ಮಾಡಬಹುದು
ದಿನಕ್ಕೆ ಎರಡು ಗಂಟೆ ಉಳಿಸಿ
ನೀವು ಏನಾಗಬಯಸುವಿರೋ
ಅದೇ ಆಗಿ
ಪ್ರೀತಿಯ ಮಿತ್ರ,
ಈ ಸಂದೇಶದ
ಶೀರ್ಷಿಕೆ ನಿಮಗೆ ಆಶ್ಚರ್ಯವನ್ನುಂಟುಮಾಡಬಹುದು: ಎರಡು ಗಂಟೆಗಳ ಕಾಲ ಉಳಿಸಿ?… ಅದೂ ಈಗಾಗಲೇ ತೀವ್ರವಾದ ವೇಳಾಪಟ್ಟಿಯಿಂದ? ಅದು
ಅಸಾಧ್ಯ! ನಿಮ್ಮಲ್ಲಿ ಅನೇಕರು ಕುಹಕವಾಗಿ ನಕ್ಕು ಹುಬ್ಬೇರಿಸಬಹುದು. ಆದರೆ ನನ್ನನ್ನು ನಂಬಿರಿ, ಅದು ಸಾಧ್ಯ. ನಿಮ್ಮ ಗುರಿಯ ಬಗೆಗಿನ ನಿಮ್ಮ ಆಂತರಿಕ ಬದ್ಧತೆಯು
ಅದನ್ನು ಸಾಧ್ಯವಾಗಿಸುತ್ತದೆ. ಮತ್ತು ಈ ಎರಡು ಗಂಟೆ
‘ಬಿಡುವು ಮಾಡಿಕೊಂಡ ’ ಅಥವಾ ಉಳಿಸಿದ ಸಮಯಗಳು ನಿಮ್ಮ ಜೀವನವನ್ನು ಬದಲಾಯಿಸಬಹುದು. ಇವುಗಳು ನಿಮ್ಮ ಗೆಳೆಯರಿಂದ ಒಂದು ಹೆಜ್ಜೆ
ಮುಂದಿರಲು ನಿಮಗೆ ಅವಕಾಶ ನೀಡಬಹುದು ಮತ್ತು ನೀವು ಏನಾಗಬೇಕೆಂದು ಬಯಸುತ್ತೀರೋ ಅದನ್ನು ಮಾಡಲು
ಎಲ್ಲಾ ತಯಾರಿಗಳನ್ನೂ ಮಾಡಬಹುದು-ಐಎಎಸ್, ಎಂಜಿನಿಯರ್, ಎಂಬಿಎ, ವೈದ್ಯರು ಮತ್ತು. ಏನೇನೋ .
ಈ ಎರಡು
ಹೆಚ್ಚುವರಿ ಗಂಟೆಗಳೊಂದಿಗೆ, ನೀವು
ವಾರದಲ್ಲಿ 14 ಹೆಚ್ಚುವರಿ
ಉತ್ಪಾದಕ ಗಂಟೆಗಳು ಅಥವಾ ಒಂದು ದಿನಕ್ಕಿಂತ ಹೆಚ್ಚಿನದನ್ನು ಪಡೆಯುತ್ತೀರಿ, ಮತ್ತು ವರ್ಷದಲ್ಲಿ ಸುಮಾರು ಎರಡು ಹೆಚ್ಚುವರಿ
ತಿಂಗಳುಗಳನ್ನು ಪಡೆಯುತ್ತೀರಿ, ಇದು ನಿಮ್ಮ
ವೃತ್ತಿಜೀವನದ ಅಂತಿಮ ಗುರಿಗಳತ್ತ ನಿಮ್ಮ ಪ್ರಯತ್ನಗಳಲ್ಲಿ ಫಲಪ್ರದವಾಗಬಹುದು. ಇದು
ಅದ್ಭುತವಲ್ಲವೇ?.
ಇದು ನಿಜ
ಹಾಗು ಗಂಭೀರ ವಿಷಯವೂ ಹೌದು. ಬಹುತೇಕರಿಗೆ ಸಮಯದ ಅಭಾವವಿದೆ. ಪ್ರತಿದಿನದ ದಿನಚರಿಯಲ್ಲಿನ
ಮಾಡಲೇಬೇಕಾದ ಕೆಲಸದ ಒತ್ತಡದ ಚಕ್ರದೊಳಗೆ ನಾವೆಲ್ಲರೂ ಎಲ್ಲರೂ ಬಂಧಿಯಾಗಿದ್ದೇವೆ. ಇಲ್ಲಿ
ಮುಖ್ಯವಾದುದೇನೆಂದರೆ ನಿಮ್ಮ ದಿನದ ವೇಳಾಪಟ್ಟಿ. ನಿಮ್ಮ ವೇಳಾಪಟ್ಟಿಯಲ್ಲಿ ಅನೇಕ ಬೇಡದ, ತಲೆನೋವಿನ, ಅನುತ್ಪಾದಕ ಕೆಲಸಗಳು, ಆಚಾರ, ವ್ಯವಹಾರಗಳಿಂದ ತುಂಬಿರಬಹುದು. ಅವುಗಳನ್ನು ಸೂಕ್ಷ್ಮವಾಗಿ ಗಮನಿಸಿ , ಬೇಡದ ವಿಷಯ ಹಾಗೂ ಕೆಲಸಗಳನ್ನು ದಿನಚರಿಯ
ಪಟ್ಟಿಯಿಂದ ತೆಗೆದೆವೆಂದರೆ ನಾವು ಸಮಯವನ್ನು ಅವಶ್ಯವಾಗಿ ಉಳಿಸಬಹುದು.
ಲೇಖಕಿ ಮಿಸ್. ಮೇರಿ ಫೋರ್ಲಿಯೊ ತನ್ನ ಇತ್ತೀಚಿನ ಪುಸ್ತಕ “Everything Is Figureoutable" ದಲ್ಲಿ ಸರಿಯಾಗಿ
ಹೇಳಿದ್ದಾರೆ "ಸಮಯವಿದೆ ಎನ್ನುವುದಕ್ಕೂ ಸಮಯ ಮಾಡಿಕೊಳ್ಳುವುದಕ್ಕೂ ಬಹಳ ವ್ಯತ್ಯಾಸವಿದೆ
" ಎಂದು". ನೀವು ಮಾಡುವ ಪ್ರತಿಯೊಂದೂ, ನಿಮ್ಮ ಆಯ್ಕೆಯಾಗಿರಲಿ" . ಆದ್ದರಿಂದ, ನಿಮ್ಮ ಮೊಬೈಲ್ ಫೋನ್‌ಗಳಲ್ಲಿ ನೀವು ವ್ಯಯ ಮಾಡುವ
ನಿಷ್ಕ್ರಿಯ ಸಮಯ, ನಿಮಗೆ
ಅಗತ್ಯವಿಲ್ಲದ ವಿಷಯಗಳಿಗಾಗಿ ಇಂಟರ್ನೆಟ್ ಬ್ರೌಸ್ ಮಾಡಲು ನೀವು ವ್ಯರ್ಥ ಮಾಡುವ ಸಮಯ ಅಥವಾ
ಮೂರ್ಖರ ಪೆಟ್ಟಿಗೆ ಯನ್ನು ನೋಡುವ ಸಮಯವನ್ನು ಕಡಿತಗೊಳಿಸಲು ಪ್ರಯತ್ನಿಸಿ.
"ನೀವು
ಅಳೆಯದಿದ್ದನ್ನು ನಿರ್ವಹಿಸಲು ನಿಮಗೆ ಸಾಧ್ಯವಿಲ್ಲ" ಎಂದು ಫಾರ್ಲಿಯೊ ಸರಿಯಾಗಿ ಹೇಳುತ್ತಾರೆ. ಹೀಗಾಗಿ, ಮುಂದಿನ ಏಳು ದಿನಗಳವರೆಗೆ,
ನೀವು ಎದ್ದ ಕ್ಷಣದಿಂದ ನಿದ್ರೆಗೆ ಹೋಗುವ ಕ್ಷಣದವರೆಗೆ ನೀವು ಮಾಡುವ ಪ್ರತಿಯೊಂದು
ಕೆಲಸವನ್ನು ಬರೆದಿಡಿ . ಪುಸ್ತಕದಲ್ಲಿ
ಬರೆದಿಡಿ ಮತ್ತು ನಿಮ್ಮ ಸಮಯವನ್ನು 10- ಅಥವಾ 30 ನಿಮಿಷಗಳ
ಏರಿಕೆಗಳಲ್ಲಿ ಸೂಕ್ಷ್ಮವಾಗಿ ಗಮನಿಸಿ ಟ್ರ್ಯಾಕ್ ಮಾಡಿ. ನಂತರ ನಿಮ್ಮ ಸಮಯವನ್ನು ಸೂಕ್ಷ್ಮವಾಗಿ
ವಿಶ್ಲೇಷಿಸಿ. ನೀವು ಹಾಗೆ ಮಾಡುವಾಗ,
ನಿಮ್ಮ ಅಮೂಲ್ಯವಾದ ಕನಸುಗಳಿಗೆ ಯಾವುದೇ ಸಂಪರ್ಕವಿಲ್ಲದ ಮೂಕ ವಿಷಯದ ಮೇಲೆ ನೀವು ಎಷ್ಟು
ಸಮಯವನ್ನು ಕಳೆಯುವಿರೆಂದು ನೀವು ಅರಿತುಕೊಳ್ಳುವಿರಿ.
ನಿಮ್ಮ
ಉತ್ಪಾದಕ ಅನ್ವೇಷಣೆಗಳಿಗಾಗಿ ದಿನಕ್ಕೆ ಎರಡು ಗಂಟೆಗಳ ಕಾಲ ಮುಕ್ತಗೊಳಿಸುವುದು ಇದರ ಆಲೋಚನೆ. ಅದಕ್ಕಾಗಿ, ಸಮಾಜದ ಅತಿದೊಡ್ಡ ಸಮಯ ನುಂಗುವ ಸಾಮಾಜಿಕ ಮಾಧ್ಯಮ, ಇಮೇಲ್, ಅಂತರ್ಜಾಲ (ಶಾಪಿಂಗ್, ಗೇಮಿಂಗ್), ವಾಹನ ದಟ್ಟಣೆ ಮತ್ತು ಪ್ರಯಾಣ, ಅನಗತ್ಯ ಮೋಜುಕೂಟ , ದೂರದರ್ಶನ, ಅಥವಾ ನಿಮ್ಮ ಮೊಬೈಲ್ ಫೋನ್‌ಗಳಲ್ಲಿ
ಮುಳುಗುವುದನ್ನು ಗಮನ ಹರಿಸಿ ಕಂಡುಕೊಳ್ಳಿ. ವಿಶೇಷವಾಗಿ, ನಮ್ಮ ಫೋನ್ ಬಳಕೆಯನ್ನು ನಾವು ಅಂದಾಜು ಸುಮಾರು 50% ರಷ್ಟು ಕಡಿಮೆ ಮಾಡುವ ಸಾಧ್ಯತೆಯಿದೆ ಎಂದು ಸಂಶೋಧನೆ ತೋರಿಸುವುದರಿಂದ
ಮೊಬೈಲ್ ಫೋನ್‌ಗಳು ಹೆಚ್ಚಿನ ಗಮನಕ್ಕೆ ಅರ್ಹವಾಗಿವೆ. ನಿಮ್ಮ ವಾಟ್ಸಾಪ್‌ನಲ್ಲಿ ಒಂದು ಪ್ರಾಸಂಗಿಕ
ನೋಟವು ನಿಮ್ಮನ್ನು ಸ್ನೇಹಿತ-ಗುಂಪುಗಳು, ಸಂದೇಶಗಳು ಮತ್ತು ವೀಡಿಯೊಗಳು ಇತ್ಯಾದಿಗಳ ಚಕ್ರವ್ಯೂಹಕ್ಕೆ ಸಿಲುಕಿಸಿ ಸಮಯವನ್ನು ಹೇಗೆ
ಹೀರಿಕೊಳ್ಳುತ್ತದೆ ಎಂಬುದನ್ನು ನೀವು ಅನುಭವಿಸಿರಬೇಕು , ನೀವು ಅದನ್ನು ಅರಿಯುವ ಹೊತ್ತಿಗಾಗಲೇ ಎರಡು, ನಾಲ್ಕು ಅಥವಾ ಕೆಲವೊಮ್ಮೆ ಆರು ಗಂಟೆಗಳ ಉತ್ಪಾದಕ ಸಮಯವನ್ನು ಅರ್ಥಹೀನವಾಗಿ
ಕೊಂದಿರುತ್ತೀರಿ. ಬುದ್ದಿಹೀನವಾಗಿ
ವ್ಯರ್ಥವಾದ ಈ ಅಮೂಲ್ಯ ಸಮಯವನ್ನು ಸುಲಭವಾಗಿ ಉಳಿಸಬಹುದಿತ್ತು. ಮೊದಲಿಗೆ, ನಿಮ್ಮ
ಮೊಬೈಲ್ ಪರದೆಯ ಮೇಲಿರುವ ಬೇಡದ ಮೋಜು ಆಪ್ ಗಳನ್ನು
ಕಿತ್ತೊಗೆಯಿರಿ , ನಿಮ್ಮ
ವೇಳಾಪಟ್ಟಿಯಿಂದ ಎಲ್ಲಾ ಸಾಮಾಜಿಕ ಮಾಧ್ಯಮ, ಟಿವಿ, ಪಾಡ್‌ಕಾಸ್ಟ್‌ಗಳು
ಮತ್ತು ಆನ್‌ಲೈನ್ ವೀಡಿಯೊಗಳನ್ನು ತೆಗೆದುಹಾಕಿ. ನನ್ನನ್ನು ನಂಬಿ, ನೀವು ಸಾಧಿಸಬಹುದು.
ನಾವು
ದಿನಕ್ಕೆ ಎರಡು ಗಂಟೆಗಳ ಉಳಿತಾಯದ ಬಗ್ಗೆ ಮಾತನಾಡುತ್ತಿದ್ದೇವೆ ಏಕೆಂದರೆ ಇದು ನಿಮ್ಮ ಜೀವನವನ್ನು
ನೀವು ಹೇಗೆ ನಿರ್ಮಿಸಿಕೊಂಡಿದ್ದಿರಿ ಎಂಬುದರ
ಕುರಿತು ಆಳವಾಗಿ ಆಲೋಚಿಸಿ ಭ್ರಮೆಯ
ಊಹಾಪೋಹಗಳನ್ನು ನಿಮ್ಮನ್ನು ನೀವೇ
ಪ್ರಶ್ನಿಸಿಕೊಳ್ಳಲು ಹಾಗು ಪರಾಮರ್ಶಿಸುವಂತೆ
ಮಾಡುವುದೇ ಆಗಿದೆ. ಅರ್ಥಪೂರ್ಣ ಗುರಿಯತ್ತ ದಿನಕ್ಕೆ ಎರಡು ಗಂಟೆಗಳ ಕಾಲ ಕಳೆಯುವ ಸಂಚಿತ ಪರಿಣಾಮವು ನಿಮ್ಮ
ಜೀವನದ ಪಥವನ್ನು ಬದಲಾಯಿಸುತ್ತದೆ. ಹೇಗಾದರೂ, ನೀವು ಕೇವಲ ಎರಡು ಗಂಟೆಗಳ ಸಮಯವನ್ನು ಉಳಿಸಲು ಶ್ರಮಪಡುತ್ತಿದ್ದರೆ , ಅದು
ಬಹುದೊಡ್ಡ ಸಾಧನೆಯೇ ಸರಿ. ನಿಮ್ಮ
ಯೋಜನೆಯ ಉತ್ತಮ ಬಳಕೆಯು ನಿಮ್ಮ ಯಶಸ್ಸಿನ ಸಮಯವನ್ನು ಮೊಟುಕುಗೊಳಿಸುವುದು ಹಾಗು ಯಶಸ್ಸಿಗೆ
ಹತ್ತಿರ ಕೊಂಡೊಯ್ಯುವುದು ಖಚಿತ. ಇಲ್ಲಿ, ಕಳೆದ ಆರು
ದಶಕಗಳಲ್ಲಿ ನಮ್ಮ ಅನುಭವದ ಮೇಲೆ ಮತ್ತು ನಮ್ಮ ಓದುಗರ ಯಶಸ್ಸಿನ ಕಥೆಗಳಿಗೆ ಒಡ್ಡಿಕೊಳ್ಳುವುದು
ಅಂತಿಮ ಯಶಸ್ಸಿನ ಮಂತ್ರವನ್ನು ಒಟ್ಟುಗೂಡಿಸುವುದು, ಅಂದರೆ: “ಉತ್ತಮ ಸಮಯ ಮತ್ತು ಅತ್ಯುತ್ತಮ ಪ್ರಯತ್ನವನ್ನು ಹೂಡಿಕೆ ಮಾಡಿ". ಅವರು ಹೇಳಿದಂತೆ, ಸಮಯವು ಹಣ. ಇದು ಪ್ರತಿಯೊಬ್ಬರಿಗೂ
ಅನ್ವಯಿಸುತ್ತದೆ , ಅದು ನಿಜ
ಕೂಡ . ನಿಮ್ಮ ವೃತ್ತಿಜೀವನದ ಅನ್ವೇಷಣೆಯ ಪ್ರಸ್ತುತ ಹಂತದಲ್ಲಿ, ಸಮಯವು ನಿಮ್ಮಲ್ಲಿರುವ ಏಕೈಕ ನಿಜವಾದ
ಬಂಡವಾಳವಾಗಿದೆ. ನೀವು ಅದನ್ನು ಹೇಗೆ ಹೂಡಿಕೆ ಮಾಡುತ್ತೀರೆನ್ನುವದು ನಿಮ್ಮ ಕನಸಿನ ಜೀವನ ಮೇಲೇರುವುದೋ ಇಲ್ಲ
ಧರೆಗಿಳಿಯುವುದೋ ನಿರ್ಧಾರಿತವಾಗುತ್ತದೆ.
ಸಮಯವು
ವೇಗವಾಗಿ ಮುಂದೆ ಸಾಗುತ್ತಿದೆ ಮತ್ತು ನೀವು ಕ್ಷಣವನ್ನು ಉತ್ಪಾದಕವಾಗಿ ಬಳಸಿಕೊಳ್ಳಲು ಇದೇ
ಸುಸಮಯ. ಇಂದಿನ ಸಮಯದ ಸದ್ಬಳಕೆ ನಾಳಿನ
ಭವಿಷ್ಯವನ್ನು ಸೃಷ್ಟಿಸುತ್ತದೆ. “ಕೆಟ್ಟ ಸುದ್ದಿ ಎಂದರೆ ಸಮಯ ಹಾರಿಹೋಗುತ್ತದೆ ”
ಎಂಬ ಮಾತಿನಿಂದ ಸ್ಫೂರ್ತಿ ಪಡೆಯೋಣ. ಒಳ್ಳೆಯ ಸುದ್ದಿ ಎಂದರೆ ನೀವು ಪೈಲಟ್”. ನೆನಪಿಡಿ, ಸಮಯವು ಜೀವನ- ನೀವು ಸಮಯ
ವ್ಯರ್ಥಮಾಡಿದರೆ ಜೀವನ ವ್ಯರ್ಥಮಾಡಿಕೊಂಡಂತೆ ಹಾಗೇ ಸಮಯವ ಸದುಪಯೋಗ ಪಡಿಸಿಕೊಂಡರೆ ಜೀವನವನ್ನೇ
ಗೆದ್ದಂತೆ.
ನೀವು
ಬದಲಾಗದಿದ್ದರೆ ಏನೂ ಬದಲಾಗುವುದಿಲ್ಲ. ಆದ್ದರಿಂದ, ನಿಮ್ಮ ಅನುತ್ಪಾದಕ ಆಚಾರದ ಮಾದರಿಗಳನ್ನು ಮುರಿಯಿರಿ ಮತ್ತು ನಿಮ್ಮ ಜೀವನವನ್ನು
ಉಸಿರುಗಟ್ಟಿಸುವ ಸಾಮಾಜಿಕ ರೂಢಿ ಗಳಿಂದ
ದೂರವಿರಿ. ಕೆಲವು ಏರಿಳಿತಗಳೊಂದಿಗೆ ನಿಮಗರಿವಾಗುವುದು ಉತ್ಪಾದಕ ಸಮಯ ಸಾಧ್ಯವೆಂದು ನಂಬುವಿರಿ. ನೆನಪಿಡಿ, “ಸಮಯ ಮತ್ತು
ಸಾಗರದಲೆ ಯಾವುದಕ್ಕೂ ಕಾಯುವುದಿಲ್ಲ”. ಮದರ್ ತೆರೇಸಾ ಅವರು ಹೇಳಿರುವುದನ್ನು
ನೆನಪಿಸಿಕೊಳ್ಳಿ: “ನಿನ್ನೆ ಹೋಗಿದೆ. ನಾಳೆ ಇನ್ನೂ ಬಂದಿಲ್ಲ. ನಮಗೆ ಇಂದು ಮಾತ್ರ
ಇದೆ. ನಾವು ಪ್ರಾರಂಭಿಸೋಣ”. ನಿಮ್ಮ ವೃತ್ತಿಜೀವನದ ಸೃಷ್ಟಿಕರ್ತನಾಗಿ ಹೊಸ ಆರಂಭವನ್ನು
ಮಾಡಿ. ಮತ್ತು ನಿಮ್ಮ ಸಮಯವು ಈಗ ಪ್ರಾರಂಭವಾಗುತ್ತದೆ…
ನಿಮ್ಮ
ವಿಶ್ವಾಸಿ,
ಸುರೇಂದ್ರ
ಕುಮಾರ್ ಸಚ್‌ದೇವ
ಕನ್ನಡಕ್ಕೆ:
ನಾಗೇಂದ್ರ ಕುಮಾರ್ ಕೆ.ಎಸ್
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ