ಅರಿವಿನ ವರ್ತನೆಯ ಚಿಕಿತ್ಸೆಯ ಅಡಿಪಾಯ

 

ಅರಿವಿನ ವರ್ತನೆಯ ಚಿಕಿತ್ಸೆಯ ಅಡಿಪಾಯ (ರೇಖಾಚಿತ್ರ ಮತ್ತು ಸಂಕ್ಷಿಪ್ತ ವಿವರಣೆ)

ನಾವು ಭಾವನಾತ್ಮಕವಾಗಿ ನಮ್ಮ ಬಗ್ಗೆ ಆಳವಾದ ತಿಳುವಳಿಕೆಯನ್ನು ಬೆಳೆಸಿಕೊಳ್ಳಲು ಪ್ರಾರಂಭಿಸಿದಾಗ, ನಮ್ಮ ನಿರ್ದಿಷ್ಟ ಸಮಸ್ಯೆಗಳನ್ನು ಎ-ಬಿ-ಸಿ ಸ್ವರೂಪಕ್ಕೆ ಒಡೆಯಲು ಸಿಬಿಟಿ ಪ್ರೋತ್ಸಾಹಿಸುತ್ತದೆ, ಅದರ ಮೂಲಕ:

‘ಎ’ ಸಕ್ರಿಯಗೊಳಿಸುವ ಘಟನೆಯಾಗಿದೆ. ಸಕ್ರಿಯಗೊಳಿಸುವ ಘಟನೆ ಎಂದರೆ ಸಂಭವಿಸಿದ ನಿಜವಾದ ಬಾಹ್ಯ ಘಟನೆ, ಭವಿಷ್ಯದಲ್ಲಿ  ನಡೆಯಬಹುದಾದ ಘಟನೆ ಎಂದು ನಾವು ನಿರೀಕ್ಷಿಸಬಹುದು, ಅಥವಾ ನಮ್ಮ ಮನಸ್ಸಿನಲ್ಲಿ ಒಂದು ಚಿತ್ರ, ಸ್ಮರಣೆ ಅಥವಾ ಕನಸಿನಂತಹ ಆಂತರಿಕ ಘಟನೆ. ‘ಎ’ ಅನ್ನು ನಮ್ಮ ಭಾವನಾತ್ಮಕ ಪ್ರತಿಕ್ರಿಯೆಗಳ ‘ಪ್ರಚೋದಕ’ ಎಂದು ಕರೆಯಲಾಗುತ್ತದೆ.

 

‘ಬಿ’ ನಮ್ಮ ನಂಬಿಕೆಗಳ ಪ್ರತಿನಿಧಿ. ನಮ್ಮ ನಂಬಿಕೆಯ ಆಲೋಚನಾ ಕ್ರಮಗಳು, ನಾವಿರುವ ಪರಿಸರದಲ್ಲಿರುವ ನಿಯಮಗಳು, ನಮ್ಮ ಬೇಡಿಕೆಗಳು (ನಮ್ಮ ಮೇಲೆ, ಜಗತ್ತು ಮತ್ತು ಇತರ ಜನರ ಮೇಲೆ) ಮತ್ತು ನಮ್ಮ ಜೀವನದ ಬಾಹ್ಯ ಮತ್ತು ಆಂತರಿಕ ಘಟನೆಗಳಿಗೆ ನಾವು ಕೊಡುವ (ಲಗತ್ತಿಸುವ) ಅರ್ಥಗಳು ಸೇರಿವೆ.

 ‘ಸಿ’ ಎಂದರೆ ಪರಿಣಾಮಗಳನ್ನು ಸೂಚಿಸುತ್ತದೆ. ಪರಿಣಾಮಗಳು ನಿಮ್ಮ ಭಾವನೆ, ನಡವಳಿಕೆ ಮತ್ತು ದೈಹಿಕ ಸಂವೇದನೆಗಳನ್ನು ಒಳಗೊಂಡಿರುತ್ತವೆ, ಅದು ನಮ್ಮ ಜೀವನದಲ್ಲಿ ನಮ್ಮ ಅನುಭವಗಳ ಪರಿಣಾಮವಾಗಿ ವಿಭಿನ್ನ ಭಾವನೆಗಳನ್ನು ಒಳಗೊಂಡಿರುತ್ತದೆ.

 ಮೇಲಿನ ರೇಖಾಚಿತ್ರವು ನಮ್ಮೊಳಗೆ ಅಥವಾ ನಮ್ಮ ಗ್ರಾಹಕರೊಂದಿಗೆ ಸಿಬಿಟಿ ಅಭ್ಯಾಸಕಾರರಾಗಿ ಕೆಲಸ ಮಾಡುವ ಪ್ರತಿಯೊಂದು ಸಮಸ್ಯೆಯ (ಸಣ್ಣ ಸಣ್ಣ ಭಾಗಗಳನ್ನಾಗಿಸಿದ (ಮುರಿದ)) ಎ-ಬಿ-ಸಿ ಭಾಗಗಳನ್ನು ವಿವರಿಸುತ್ತದೆ.

 ಯಾವುದೇ ಸಮಸ್ಯೆಯನ್ನು ಎ-ಬಿ-ಸಿ ಸ್ವರೂಪದಲ್ಲಿ ಬರೆಯುವುದು (ಇದು ಒಂದು ಪ್ರಮುಖ ಸಿಬಿಟಿ ತಂತ್ರ) ನಮ್ಮ (ಅಥವಾ ನಮ್ಮ ಗ್ರಾಹಕರು) ಆಲೋಚನೆ, ಭಾವನೆ, ನಡವಳಿಕೆಗಳು ಮತ್ತು ಪ್ರಚೋದಕ ಘಟನೆಯ ನಡುವೆ ಇರುವ  ವ್ಯತ್ಯಾಸವನ್ನು ಗುರುತಿಸಲು ಸಹಾಯ ಮಾಡುತ್ತದೆ.

ಕನ್ನಡಕ್ಕೆ: ನಾಗೇಂದ್ರ ಕುಮಾರ್ ಕೆ ಎಸ್