ಶನಿವಾರ, ಡಿಸೆಂಬರ್ 3, 2011

ಅರ್ಧ ಮನುಷ್ಯ-ಅರ್ಧ ಬೆಲೆಯ ಅಂಗಡಿ ~ಪೆಂಗ್ ಶುಲಿನ್” ನ ನೈಜ ಸತ್ಯಕಥೆ








ಜೀವನದಲ್ಲಿ ಕೆಲವೊಮ್ಮೆ ನಮ್ಮ ಸ್ಥಿತಿ ಹಾಗು ಒತ್ತಡಗಳಿಂದ ಎಲ್ಲವನ್ನೂ,ಎಲ್ಲರನ್ನೂ ದೂರುತ್ತೇವೆ. ನಾವು ಬದುಕಿರುವುದೇ ಬೇಡವೆನಿಸುತ್ತದೆ. ಜೀವನ ದುಸ್ತರವೆನಿಸುತ್ತದೆ. ನಮ್ಮ ಪರಿಪೂರ್ಣ ದೇಹವೇ ನಮಗೆ ಭಾರವಾಗುತ್ತದೆ ಹಾಗು ಜೀವನ ಅಸಹನೀಯವಾಗುತ್ತದೆ. ದಪ್ಪಗಿರುವ ವ್ಯಕ್ತಿಗಳು ಹೇಳುತ್ತಾರೆ “ನಾನು ಸಣ್ಣಗಾಗಬೇಕು” ನರಪೇತಲರು .ಹೇಳುತ್ತಾರೆ “ನಾನು ದಪ್ಪಗಾಗಬೇಕು”. ಬಡವರು ಶ್ರೀಮಂತರಾಗ ಬಯಸುತ್ತಾರೆ ಮತ್ತು ಶ್ರೀಮಂತರಿಗೆ ಎಲ್ಲವೂ ಇದ್ದರೂ ನೆಮ್ಮದಿ ಇಲ್ಲವಾಗಿರುತ್ತದೆ.

ಪೆಂಗ್ ಶುಲಿನ್ ಕೇವಲ ೭೮ ಸೆಂ,ಮೀ ಉದ್ದವಿದ್ದಾನೆ, ಪೆಂಗ್ ಶುಲಿನ್ ಹುಟ್ಟಿದ್ದು ಹ್ಯೂಮನ್ ಪ್ರಾವಿನ್ಸ್, ಚೈನಾದಲ್ಲಿ.
೧೯೯೫ ರಲ್ಲಿ, ಶೆನ್ ಜುಹೆನ್ ಎಂಬಲ್ಲಿ ವಸ್ತು ಸಾಗಾಣಿಕಾ ವಾಹನವು ಅವನ ದೇಹವನ್ನು ಅರ್ಧ ತುಂಡರಿಸಿತು. ವೈದ್ಯರು ಅವನ ದೇಹದ ಕೆಳಭಾಗವನ್ನು ಸರಿಮಾಡಲಾಗದೇ ತೆಗೆದುಹಾಕಿದರು.
ಪೆಂಗ್ ಶುಲಿನ್ ೩೭, ಸುಮಾರು ಎರಡು ವರ್ಷ ದಕ್ಷಿಣ ಚೈನಾದ ಶೆನ್ ಜುಹೆನ್ ಆಸ್ಪತ್ರೆಯಲ್ಲಿ ಚಿಕಿತ್ಸೆಪಡೆದ.
ಹತ್ತು ಹಲವಾರು ಶಸ್ತ್ರಚಿಕಿತ್ಸೆಗಳಿಂದ ಅವನ ಉಳಿದ ದೇಹದ ಭಾಗಗಳನ್ನು ಮತ್ತು ಇತರ ವ್ಯವಸ್ಥೆಯನ್ನು ಮಾಡಲಾಯಿತು. ಪೆಂಗ್ ಉಳಿದ ತನ್ನ ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ತನ್ನ ಕೈಗಳಿಂದಲೇ ವ್ಯಾಯಾಮ ಮಾಡುತ್ತಿದ್ದನು. ಇದ್ದ ಎರಡು ಕೈಗಳಿಂದಲೇ ಮುಖತೊಳೆಯುವುದು,ಹಲ್ಲುಜ್ಜುವುದು, ಎಲ್ಲಾ ಕೆಲಸಗಳನ್ನೂ ತಾನೇ ಮಾಡಿಕೊಳ್ಳಲಾರಂಭಿಸಿದ. ಅವನು ಬದುಕುಳಿದ ಎಲ್ಲಾ ವಿಷಮ ಪರಿಸ್ಥಿತಿಗಳಿಂದ.

ಈಗ ಪೆಂಗ್ ಆಸ್ಪತ್ರೆಯ ವೈದ್ಯರು ಮೂಕವಿಸ್ಮಿತರಾಗುವಂತೆ ಮಾಡಿದ್ದಾನೆ. ದಶಕಗಳ ನಂತರ ನಡೆಯುವುದನ್ನು ಕಲಿತು ಎಲ್ಲರನ್ನೂ ಅಚ್ಚರಿಗೊಳಿಸಿದ್ದಾನೆ. ಪೆಂಗ್ ನ ಅವಸ್ಥೆಯನ್ನು ಪರಿಗಣಿಸಿ ವೈದ್ಯರು ಚೈನ ಪುನರ್ವಸತಿ ಮತ್ತು ಸಂಶೋಧನಾ ಕೇಂದ್ರ, ಬೀಜಿಂಗ್ ರವರು ಅವನಿಗಾಗಿ ದೇಶೀಯ ನಿರ್ಮಿತ ಕೃತಕ ಓಡಾಟ ಸಾಧನವನ್ನು ಕಂಡುಹಿಡಿದರು. ಮೊಟ್ಟೆಯಾಕಾರದ ಪೆಟ್ಟಿಯಲ್ಲಿ ಅವನ ದೇಹಕ್ಕೆ ಹೊಂದಿಕೆಯಾಗುವ ರೀತಿ ಮಾಡಿ ಅದಕ್ಕೆ ಎರಡು ಕಾಲುಗಳನ್ನೂ ಕೊಡಲಾಯಿತು. ಅವನಿಗಾಗಿಯೇ ಸೂಕ್ತ ರೀತಿಯಲ್ಲಿ ವೈಜ್ನಾನಿಕವಾಗಿ, ಕೌಶಲವನ್ನು ಮಾಪನಮಾಡಿ ರೂಪಿಸಲಾಯಿತು.
ಪೆಂಗ ಹೊಸ ಕಾಲಿನ ಸಹಾಯದಿಂದ ಬೀಜಿಂಗ್ ನ ಪುನರ್ವಸತಿ ಮತ್ತು ಸಂಶೋಧನಾ ಕೇಂದ್ರ ಪಡಸಾಲೆಯಲ್ಲಿ ನಡೆದಾಡಿದ,
ಆಸ್ಪತ್ರೆಯ ವೈಸ್ ಪ್ರಸಿಡೆಂಟ್ ಆದ ಲಿನ್ ಲಿಯು ಹೇಳುತ್ತಾರೆ “ನಾವು ಅವನಿಗೆ ಸಲಕರಣೆಗಳನ್ನು ಒದಗಿಸಿದ್ದೇವೆ ಹಾಗು ಅವನನ್ನು ಪರೀಕ್ಷಿಸಿದ್ದೇವೆ ಅವನು ಅವನ ವಯಸ್ಸಿನ ಸಾಮಾನ್ಯ ಮನುಷ್ಯನಿಗಿಂತ ಚೆನ್ನಾಗಿ ಆರೋಗ್ಯವಾಗಿದ್ದಾನೆ ಹಾಗು ಸಮರ್ಥನಾಗಿದ್ದಾನೆ.”
ಪೆಂಗ್ ಒಂದು ತನ್ನದೇ ಆದ ಚೌಕಾಸಿ ಸೂಪರ್ ಮಾರ್ಕೇಟ್ ತೆರೆದಿದ್ದಾರೆ ಹಾಗು ಅದಕ್ಕೆ ಹೆಸರಿಟ್ಟಿದ್ದಾನೆ ಅರ್ಧ ಮನುಷ್ಯ-ಅರ್ಧ ಬೆಲೆಯ ಅಂಗಡಿ.
೩೭ ವರ್ಷದ, ಪೆಂಗ್ ವ್ಯಾಪಾರಿಯಾಗಿ ತನ್ನಂತೆಯೇ ಇರುವ ವಿಕಲಾಂಗರಿಗೆ ಪ್ರೇರಕ ಶಕ್ತಿಯಾಗಿದ್ದಾನೆ, ವೀಲ್ ಛೇರಿನ ಮೇಲೆ ಕುಳಿತು ತಾನು ಹೇಗೆ ಅಂಗಹೀನತೆಯಿಂದ ಹೊರಬಂದೆ ಎಂಬುದರ ಬಗ್ಗೆ ಜನರಿಗೆ ಉಪನ್ಯಾಸಗಳನ್ನೂ ಕೊಡುತ್ತಾನೆ. ಅವನ ಅಸಾದಾರಣ ನಡುವಳಿಕೆ ಎಲ್ಲರನ್ನೂ ಅಚ್ಚರಿಗೊಳಿಸುತ್ತದೆ, ಅವನೆಂದೂ ಅವನ ಅಸಹಾಯಕತೆಯನ್ನು ದೂರುವುದಿಲ್ಲ. ಅವನ ಸ್ಪೂರ್ತಿಯೆಂದರೆ ಸದಾ ಹಸನ್ಮುಖಿಯಾಗಿರುವುದು ಮತ್ತು ಅವನನ್ನು ಯಾವುದೇ ನಕಾರಾತ್ಮಕ ವಿಷಯಗಳು ಅವನ ದೃತಿಗೆಡಸದೇಯಿರುವುದು. ನಮಗೆ ಪೂರ್ತಿ ದೇಹವಿದೆ,ಕಾಲುಗಳಿವೆ. ಅವನ ಜೀವನವೇ ತಾಳ್ಮೆಯ ಜಯದ ಹಬ್ಬದಂತೆ. ಮಾನವ ಪ್ರಯತ್ನ ಹಾಗು ತಾಳ್ಮೆಯ ಮುಂದೆ ಎಂತಹುದೇ ಅಡತಡೆಗಳೂ ನಿಲ್ಲುವುದಿಲ್ಲ ಎನ್ನುವುದಕ್ಕೆ ಪೆಂಗ್ ನ ಜೀವನವೇ ಸಾಕ್ಷಿ.
ಅವನ ಜೀವನವನ್ನು ನೋಡಿ ನಾವು ಕಲಿಯಬೇಕಾದುದು ಬಹಳಷ್ಟಿದೆ.

ಜೀವನ ಒಂದು ಉಡುಗೊರೆ

ಇಂದು ನಿಷ್ಠುರ ಮಾತು ಹೇಳುವ ಮುನ್ನ-
ಯೋಚಿಸು ಮಾತನಡಲು ಅಶಕ್ತರಾದವರ ಬಗ್ಗೆ.

ಊಟದ ರುಚಿಯ ಬಗ್ಗೆ ದೂರುವ ಮುನ್ನ-
ಯೋಚಿಸು ಒಂದೊತ್ತಿನ ಊಟಕ್ಕೂ ಇಲ್ಲದವರ.

ಹೆಂಡತಿ ಅಥವಾ ಗಂಡನ ದೂರುವ ಮುನ್ನ-
ಯೋಚಿಸು ಜೊತೆ ಬೇಕೆಂದು ದೇವರಲ್ಲಿ ಮೊರೆಯಿಡುವವರ.

ಇಂದು ಜೀವನದ ಬಗ್ಗೆ ದೂರುವ ಮುನ್ನ-
ಯೋಚಿಸು ಅಕಾಲಿಕವಗಿ ನಮ್ಮನ್ನು ಅಗಲಿದವರ.

ಗಾಡಿಯಲ್ಲಿ ದೂರ ಹೋಗಬೇಕೆಂದು ಗೊಣಗುವ ಮುನ್ನ-
ಯೋಚಿಸು ಮತ್ತೆ ಮತ್ತೆ ಬರಿಗಾಲಲ್ಲಿ ನಡೆಯುವವರ.

ಮತ್ತೆ ನಿನಗೆ ದಣಿವಾದಾಗ ಹಾಗು ನಿನ್ನ ಕೆಲಸದ ಬಗ್ಗೆ ದೂರಿದಾಗ-
ಯೋಚಿಸು ಕೆಲಸವಿಲ್ಲದವರ,ವಿಕಲಚೇತನರ ಮತ್ತು ನಿನ್ನ ಜಾಗದಲ್ಲಿರಬೇಕಾದವರ.

ನಿಮ್ಮ ಮನಸ್ಸಿಗೆ ನೋವಾಗಿ ಭಾವನೆಗಳು ನಿಮ್ಮನ್ನು ಕಂಗೆಡಿಸಿದರೆ
ನಿಮ್ಮ ಮುಖದಲ್ಲಿ ನಗು ಹೊಮ್ಮಲಿ ಮತ್ತು ಯೋಚಿಸು
ನೀವಿನ್ನೂ ಜೀವಂತ ಮತ್ತು ಜಂಗಮ,